မြန်မာ-တရုတ် ရေနံစိမ်းပိုက်လိုင်းသွယ်တန်းရေးစီမံကိန်းကို ယခင် စွမ်းအင်ဝန်ကြီး ဌာန (MOE) နှင့် China National Petroleum Corporation (CNPC) တို့ ၁၆-၆-၂၀၀၉ ရက်နေ့ တွင် MOU လက်မှတ်ရေးထိုးခဲ့ပြီး ကျောက်ဖြူခရိုင်၊ မဒဲကျွန်းတွင် Workboat Wharf တည်ဆောက်ခြင်းလုပ်ငန်းကို ၃၀-၁၀-၂၀၀၉ ရက်နေ့တွင် စတင်ဆောင်ရွက်ခဲ့ရာ ၃၀-၈-၂၀၁၀ ရက်နေ့တွင် တည်ဆောက်ပြီးစီးခဲ့ပါသည်။ DWT ၃၀၀,၀၀၀၊ LOA ၃၀၀ မီတာ၊ အကျယ် ၆၀ မီတာ၊ ရေစူး ၂၃ မီတာရှိသော ရေနံတင် သင်္ဘောဆိုက်ကပ်နိုင်သည့် Crude Oil Terminal တည်ဆောက်ခြင်း လုပ်ငန်းကို ၁-၄-၂၀၁၁ ရက်နေ့တွင် စတင်ဆောင်ရွက်ခဲ့ရာ ၃၁-၅-၂၀၁၃ ရက်နေ့တွင် တည်ဆောက်ပြီးစီးခဲ့ပါသည်။

မြန်မာ့ရေနံနှင့်သဘာဝလုပ်ငန်းနှင့် South-East Asia Crude Oil Pipeline Co, Ltd တို့ အကျိုးတူပူးပေါင်းဆောင်ရွက်ခဲ့သော ကျောက်ဖြူမြို့နယ်၊ မဒဲကျွန်းရှိ ရေနံတင်ချဆိပ်ကမ်းအား တန်ချိန် (၃၀၀,၀၀၀) ဆန့် ရေနံတင်သင်္ဘောများ ဆိုက်ကပ်ရန်အတွက် အကောက်ခွန်ဦးစီးဌာနမှ ၂၂.၁.၂၀၁၅ ရက်စွဲပါစာဖြင့် ​​ရေနံတင်ဆိပ်ကမ်းအဖြစ် သတ်မှတ်ခဲ့ပါသည်။ ရှေးဦးစွာ ပထမ ဦးဆုံးအကြိမ်အဖြစ် MT.XIN  RUN YANG (LOA:330M) သင်္ဘောသည် ၂၄.၁.၂၀၁၅ ရက်နေ့တွင်  CRUDE   OIL  တန်ချိန် (၁၃၅,၆၅၁) တန်ချရန် စမ်းသပ်ဆိုက်ကပ်ခဲ့ပါသည်။ လိုအပ်ချက်များကို ပြင်ဆင်ဖြည့်စွက်မှုများ ပြုလုပ်ခဲ့ပြီးနောက် လုပ်ငန်းစတင်ဆောင်ရွက်မှု အနေဖြင့် MT. UNITED  DYNAMIC သင်္ဘောသည် CRUDE  OIL တန်ချိန် (၁၄၀,၂၁၉) တင်ဆောင် ၍ ၉.၄.၂၀၁၇ ရက်နေ့တွင်  ဝင်ရောက်ဆိုက်ကပ်ကာ ရေနံစိမ်းများ ကုန်ချခဲ့ပါသည်။ မဒဲကျွန်းရှိ SEAOP ၏ ရေနံတင်ဆိပ်ကမ်း(Crude Oil Terminal)တွင် သင်္ဘောကြီးအလျား ၃၃၀ မီတာ၊ ရေစူး ၂၃ မီတာ၊ သင်္ဘောတန်ချိန် ၃၀၀၀၀၀ ရှိသည့် သင်္ဘောကြီး (၁၇၀)စီး ဆိုက်ကပ် ခဲ့ပြီး ရေနံစိမ်း စုစုပေါင်း မက်ထရစ် တန်ချိန် (၄၃.၇၄) သန်းခန့်ရှိပါသည်။

ကျောက်ဖြူ၊ မဒဲဆိပ်ကမ်းသို့  ဝင်ရောက်လာသည့် ရေနံတင်သင်္ဘောကြီးများ  အန္ထရာယ် ကင်းရှင်းစွာ   လုပ်ငန်းဆောင်ရွက်နိုင်ရေးအတွက်  မြန်မာ့ဆိပ်ကမ်းအာဏာပိုင်မှ ရေကြောင်းပြ မှူးကြီးများ စေလွှက်ကာ  ဆောင်ရွက်ပေးလျက်  ရှိပါသည်။

ရန်ကုန်တိုင်းဒေသကြီး၊ ရန်ကုန်မြစ်အနောက်ဘက်ကမ်း သောင်ခုံကျေးရွာနှင့် သရက်တော ကျေးရွာအကြားတွင် အလျား ၇ မိုင် ခန့်ရှိသည့် မြစ်ကမ်းပါးပြိုကျ တိုက်စားမှုများ ဖြစ်ပေါ် လျက်ရှိပါသည်။ ၎င်းကမ်းပြိုကမ်းစားမှုများကြောင့် သဲနုန်းပို့ချမှုများဖြစ်ပေါ်ခြင်း၊ ရေလယ် သောင်ရွေ့လျားပြီး မတည်ငြိမ်ခြင်း၊ ဒီရေအတက်နှင့်အတူ အင်အားပြင်းလှိုင်းမြင့် ပုတ်ခတ် သည့်ဒဏ် အဆက်မပြတ် ခံစားရခြင်းတို့ကြောင့် အချိန်ကြာလာသည်နှင့်အမျှ  ကမ်းပြိုမှုမှာ ဆိုးရွားစွာဖြစ်ပေါ် လျက်ရှိပါသည်။ ထို့အပြင်ရန်ကုန်မြစ် အနောက်ဘက်ကမ်းရှိ ကျေးရွာမြေနှင့် လယ်ယာမြေများ နှစ်စဉ် ဆုံးရှုံးမှုများဖြစ်ပေါ်နေခြင်း၊ လယ်သမား၊ ငါးဖမ်းလုပ်ငန်း လုပ်ကိုင်သူများနှင့် ဒေသခံပြည်သူများ နေထိုင်ကြသည့် လူနေအိမ်ခြေများနှင့် အလွန် နီးကပ်လာခြင်းတို့ကြောင့် ဒေသခံပြည်သူတို့၏ လူမှုဘဝလုံခြုံစိတ်ချမှု လျော့နည်းလာခြင်းနှင့် နိုင်ငံတော်၏ ပို့ကုန်/သွင်းကုန် ၈၅% ကျော်ကိုင်တွယ် သော ရန်ကုန်ဆိပ်ကမ်းသို့ အပြည်ပြည်ဆိုင်ရာ သင်္ဘောကြီးများဝင်/ ထွက်သွားလာသည့် ရန်ကုန် မြစ်ရေလမ်းကြောင်းအား နုန်းအနည်ကျ၍ သောင်ထွန်းမှုများ ပိုမိုဖြစ်ပေါ်လာခြင်း စသည်တို့ဖြစ်ပေါ် လျက် ရှိပါသဖြင့် ကမ်းပြိုတိုက်စားမှု၊ သောင်ထွန်းမှု ပိုမိုဆိုးရွားစွာ မဖြစ်နိုင်စေရန်နှင့် ကာကွယ် ထိန်းသိမ်းနိုင်ရန်အတွက် ကမ်းပါးထိန်းနံရံ(၁)ခု  တည်ဆောက်မည့် စီမံကိန်းဖြစ်ပါသည်။

အဆိုပါ စီမံကိန်းကို Feasibility Study (F.S) ဆောင်ရွက်နိုင်ရန်အတွက် ပို့ဆောင်ရေးနှင့် ဆက်သွယ်ရေးဝန်ကြီးဌာန၊ မြန်မာ့ဆိပ်ကမ်းအာဏာပိုင်နှင့် China Harbour  Engineering Co., Ltd. တို့အကြား MOU လက်မှတ်ရေးထိုးခြင်းကို (၁၈-၁-၂၀၂၀) ရက်နေ့တွင် နေပြည်တော်ရှိ ပို့ဆောင်ရေးနှင့်ဆက်သွယ်ရေးဝန်ကြီးဌာန၊ ဝန်ကြီးရုံး၌ လက်မှတ်ရေးထိုးခဲ့ကြပါသည်။ CHEC ကုမ္ပဏီအနေဖြင့် စီမံကိန်းဧရိယာသို့ သွားရောက်ပြီး မြေပြင်ကွင်းဆင်းတိုင်းတာခြင်း၊ မြေသား စမ်းသပ်ခြင်းနှင့် မြေသားနမူနာများရယူခြင်း လုပ်ငန်းများကို (၁-၁-၂၀၂၁) ရက်နေ့မှ (၂၉-၁-၂၀၂၁) ရက်နေ့အထိလည်းကောင်း၊ မြေသားစမ်းသပ်ခြင်းအစီရင်ခံစာ (Soil Test Report) ပြုစုခြင်းကို (၃၀-၁-၂၀၂၁) ရက်နေ့မှ (၁၂-၄-၂၀၂၁) ရက်နေ့အထိလည်းကောင်း ဆောင်ရွက်ခဲ့ပြီးဖြစ်ပါသည်။ ရန်ကုန်မြစ်ဝအနောက်ဘက်ကမ်း ကမ်းပြိုမှုကာကွယ်ထိန်းသိမ်း ရေးဆိုင်ရာ Feasibility Study အစီရင်ခံစာ (မူကြမ်း)ကို CHEC ကုမ္ပဏီမှ မြန်မာ့ဆိပ်ကမ်းအာဏာပိုင်သို့ (၂၀-၇-၂၀၂၁) ရက်နေ့တွင် တင်ပြခဲ့ပြီး CHEC ကုမ္ပဏီမှတင်ပြထားသော Feasibility Study အစီရင်ခံ စာ(မူကြမ်း)ပါ ကမ်းပြိုကာကွယ်ခြင်းလုပ်ငန်း ဆောင်ရွက်မည့် Design ပုံစံများ၊ အခြေခံစံနှုန်း တွက်ချက်မှုများ၊ ခန့်မှန်းခြေကုန်ကျစရိတ်များ၊ နည်းပညာပိုင်းဆိုင်ရာ အသေးစိတ်အချက်အလက် များကို နှစ်ဖက်အဖွဲ့အစည်းများဖြစ်သည့် MPA Working Group နှင့် CHEC Working Group တို့အကြား ဆွေးနွေးညှိနှိုင်းမှုများ ပြုလုပ်လျက်ရှိပြီး CHEC ကုမ္ပဏီမှ အဆိုပါ Feasibility Study အစီရင်ခံစာ (မူကြမ်း)အား Final Report အဖြစ်ပြုစု၍ မြန်မာ့ဆိပ်ကမ်းအာဏာပိုင်သို့ ပြန်လည် တင်ပြရန် စီစဉ်ဆောင်ရွက်လျက်ရှိပါသည်။  အဆိုပါစီမံကိန်းအား အကောင်အထည်ဖော်ဆောင်ရွက်ခြင်း အားဖြင့် ရန်ကုန်ဆိပ်ကမ်းသို့ အပြည်ပြည်ဆိုင်ရာ သင်္ဘောကြီးများ ဘေးအန္တရာယ်ကင်းရှင်းစွာ ဝင်/ထွက်သွားလာနိုင်ခြင်း၊ ကုန်စည်စီးဆင်းမှု မြန်ဆန်မှုကြောင့် နိုင်ငံတော်၏ဝင်ငွေ တိုးတက်ရရှိရေးကို တစ်ဖက်တစ်လမ်းမှ ထောက်ပံ့ပေးနိုင်ခြင်း၊ အနာဂတ်တွင် တိုးတက် များပြားလာမည့် နိုင်ငံတော်၏ ပို့ကုန်/ သွင်းကုန်များကို အဆင်ပြေချောမွေ့စွာ ကိုင်တွယ် နိုင်ရန် အထောက်အကူဖြစ်စေခြင်းနှင့် ရန်ကုန်မြစ်အောက်ပိုင်း ကမ်းပြိုမှုကြောင့် ကျေးရွာ မြေနှင့် လယ်ယာမြေများ ဆုံးရှုံးလာခြင်းအား ကာကွယ်ထိန်းသိမ်းနိုင်ခြင်းဖြင့် ဒေသခံ ပြည်သူများ ဘေးကင်းလုံခြုံမှုရခြင်းနှင့် လူမှုစီးပွားဘဝများ ဖွံ့ဖြိုးတိုးတက်လာစေခြင်း စသည့် အကျိုးကျေးဇူးများ ရရှိမည်ဖြစ်ပါသည်။

• မြန်မာနိုင်ငံ၏ အနာဂါတ်ဆိပ်ကမ်းဖွံ့ဖြိုးရေး ပင်လယ်ရေကြောင်းဆိုင်ရာ ထောက်ပံ့ ပို့ဆောင်ရေးနှင့် ပင်လယ်ရေကြောင်းသင်္ဘောလုပ်ငန်းဆိုင်ရာများတွင် ပူးပေါင်းဆောင်ရွက်နိုင်ရန် အတွက် ပို့ဆောင်ရေးနှင့်ဆက်သွယ်ရေးဝန်ကြီးဌာန(ယခင်ပို့ဆောင်ရေးဝန်ကြီးဌာန)နှင့် ကိုရီးယား သမ္မတနိုင်ငံ၊ သမုဒ္ဒရာနှင့်ငါးလုပ်ငန်းဝန်ကြီးဌာနတို့သည် ၁၀-၄-၂၀၁၃ ရက်နေ့တွင် နားလည်မှု စာချွန်လွှာ(MoU) လက်မှတ်ရေးထိုးခဲ့ကြပါသည်။
• အဆိုပါ နားလည်မှုစာချွန်လွှာနှင့်စပ်လျဉ်း၍ သမ္မတကမ်းခြေဒေသတွင် ဆိပ်ကမ်းဖွံ့ဖြိုးရေး လုပ်ငန်းစဉ်များ ဆောင်ရွက်ရန်အတွက် Feasibility Study ပြုလုပ်နိုင်ရေးနှင့်ပတ်သက်၍ 1^st  Working Level Meeting အား မြန်မာ့ဆိပ်ကမ်းအာဏာပိုင်၌ ၉-၄-၂၀၁၉ ရက်နေ့တွင် ကျင်းပပြုလုပ်ခဲ့ပြီး Minutes of Working Level Meeting အား မြန်မာ့ဆိပ်ကမ်းအာဏာပိုင်နှင့် ကိုရီးယားသမ္မတနိုင်ငံ၊ သမုဒ္ဒရာနှင့်ငါးလုပ်ငန်းဝန်ကြီးဌာနတို့အကြား လက်မှတ်ရေးထိုး၍ သမ္မတ ကမ်းခြေဒေသ(King’s Bank)၊ အံ့ကြီးဧရိယာတွင် Feasibility Study လုပ်ငန်းများကို ကိုရီးယား သမ္မတနိုင်ငံ၊ သမုဒ္ဒရာနှင့်ငါးလုပ်ငန်းဝန်ကြီးဌာနမှ တာဝန်ပေးအပ်ထားသည့် Hyein E & C Co., Ltd မှ ဆောင်ရွက်ခဲ့ကြပါသည်။
• ဆက်လက်၍ ၁၀-၄-၂၀၁၃ ရက်နေ့တွင် ပို့ဆောင်ရေးနှင့်ဆက်သွယ်ရေးဝန်ကြီးဌာန (ယခင် ပို့ဆောင်ရေးဝန်ကြီးဌာန)နှင့် ကိုရီးယားသမ္မတနိုင်ငံ၊ သမုဒ္ဒရာနှင့်ငါးလုပ်ငန်းဝန်ကြီးဌာနတို့အကြား လက်မှတ်ရေးထိုးထားသည့် နားလည်မှုစာချွန်လွှာအား အသစ်ပြန်လည်ပြင်ဆင်ဖြည့်စွက်သည့် နားလည်မှုစာချွန်လွှာ(MoU) ကို ၃-၉-၂၀၁၉ ရက်နေ့တွင် ပို့ဆောင်ရေးနှင့်ဆက်သွယ်ရေးဝန်ကြီး ဌာနနှင့် ကိုရီးယားသမ္မတနိုင်ငံ၊ သမုဒ္ဒရာနှင့်ငါးလုပ်ငန်းဝန်ကြီးဌာနတို့အကြား လက်မှတ်ရေးထိုးခဲ့ ကြပါသည်။ ပြင်ဆင်ဖြည့်စွက်ထားသည့် နားလည်မှုစာချွန်လွှာ(MoU)အရ Shipping, Shipyard Upgrading, Logistics and Port Development and Management လုပ်ငန်းများအတွက် ပူးပေါင်းဆောင်ရွက်ခြင်းနှင့် Feasibility Study ဆောင်ရွက်ခြင်းလုပ်ငန်းတို့ ပါဝင်ပါသည်။
• သမ္မတကမ်းခြေဒေသ(King’s Bank) ဆိပ်ကမ်းဖွံ့ဖြိုးရေးနှင့်စပ်လျဉ်း၍ အံ့ကြီးသင်္ဘောကျင်း ဧရိယာအပြင် သမ္မတကမ်းခြေဧရိယာပါထည့်သွင်းပြီး စုစုပေါင်းဧရိယာ ၁၅၀ ဧကခန့်တွင် ဆိပ်ကမ်း ဖွံ့ဖြိုးရေး၊ Port Hinterland ၊ အံ့ကြီးသင်္ဘောကျင်း အဆင့်မြင့်တင်ပြုပြင်ခြင်းနှင့် Business Plan များပါဝင် သည့် Feasibility Study ကို Ministry of Oceans and Fisheries ဦးဆောင်မှုဖြင့် Hyein E&C Co.,Ltd., SOOSUNG Engineering & Consulting, Korea Maritime Institute တို့မှ ပူးပေါင်းဆောင်ရွက် လျက်ရှိပြီး၊ ၇-၂-၂၀၂၀ ရက်နေ့တွင် Presentation of 2^nd Interim Report and 5^th Working Level Meeting ကို မြန်မာ့ဆိပ်ကမ်းအာဏာပိုင်ရုံးချုပ်တွင် ကျင်းပခဲ့ပါသည်။
• အဆိုပါ Feasibility Study ပြုလုပ်ခြင်းလုပ်ငန်းအား ၂၀၂၀ ပြည့်နှစ်၊ ဧပြီလအတွင်းအပြီး ဆောင်ရွက်၍ Final Report တင်ပြရမည်ဖြစ်သော်လည်း လက်ရှိကမ္ဘာအနှံ့အပြားတွင် ဖြစ်ပွားနေသော COVID-19 ကူးစက်ရောဂါကြောင့် ယာယီရွှေ့ဆိုင်းရပြီး၊ COVID-19 ကူးစက်ရောဂါအခြေအနေ တည်ငြိမ်သွားသည့်အချိန်တွင် Final Report အား မြန်မာ့ဆိပ်ကမ်းအာဏာပိုင်သို့ လာရောက် ရှင်းလင်းတင်ပြခွင့်ပြုပါရန် တင်ပြခဲ့ပါသည်။
• ထို့နောက် ယနေ့အချိန်အထိ COVID-19 ကူးစက်ရောဂါသည် ကမ္ဘာအနှံ့အပြားတွင် ဆက်လက်ဖြစ်ပွားနေပါသဖြင့် သမ္မတကမ်းခြေဒေသ(King’s Bank)တွင် ဆိပ်ကမ်းဖွံ့ဖြိုးရေးလုပ်ငန်း များ ဆောင်ရွက်ရန်အတွက် Business Plan အပါအဝင်  Feasibility Study ဆောင်ရွက်ထားရှိမှု အခြေအနေအား ရှင်းလင်းဖော်ပြထားသော Final Report အား Video Conference ဖြင့် ရှင်းလင်း ဆွေးနွေးခွင့်ပြုပါရန် မြန်မာ့ဆိပ်ကမ်းအာဏာပိုင်သို့ တင်ပြပေးပို့ခဲ့ရာ ခွင့်ပြုခဲ့ပါသဖြင့် ၂၃-၁၀-၂၀၂၀ ရက်‌နေ့တွင် Ministry of Oceans and Fisheries မှ Director General နှင့်တာဝန်ရှိသူများမှ မြန်မာ့ ဆိပ်ကမ်းအာဏာပိုင်မှ ဦးဆောင်ညွှန်ကြားရေးမှူးနှင့်တာဝန်ရှိသူများအား Final Report ကို Video Conference ဖြင့် ရှင်းလင်းတင်ပြ၍ ညှိနှိုင်းဆွေးနွေးပွဲ ကျင်းပပြုလုပ်ခဲ့ပါသည်။
• စီမံကိန်း၏ နောက်ဆုံးအစီအရင်ခံစာအား ကိုရီးယားသမ္မတနိုင်ငံ၊ သမုဒ္ဒရာနှင့်ငါးလုပ်ငန်း ဝန်ကြီးဌာန မှ ပို့ဆောင်ရေးနှင့်ဆက်သွယ်ရေးဝန်ကြီးဌာနသို့ တိုက်ရိုက် ပေးပို့သွားမည်ဖြစ်ပါကြောင်း တင်ပြစာအား ရန်ကုန်မြို့ရှိ ကိုရီးယားသမ္မတနိုင်ငံသံရုံးမှတစ်ဆင့် အကြောင်းကြားထားပါသည်။
•  သမ္မတကမ်းခြေဒေသ(King’s Bank) ဆိပ်ကမ်းဖွံ့ဖြိုးရေးလုပ်ငန်းများ အကောင်အထည် ဖော်ဆောင်ရွက်နိုင်ရန်အတွက် Ministry of Oceans and Fisheries နှင့် ဆက်လက်ပူးပေါင်း ဆောင်ရွက်သွားမည်ဖြစ်ပါကြောင်းနှင့် လက်ရှိတွင် ကိုရီးယားသမ္မတနိုင်ငံမှ ပူးပေါင်းဆောင်ရွက် မှုများ ယာယီရပ်ဆိုင်းထားသည်ဟု သိရှိရပါကြောင်း တင်ပြအပ်ပါသည်။

• မြန်မာနိုင်ငံရှိစစ်တွေဆိပ်ကမ်းနှင့် အိန္ဒိယနိုင်ငံ မီဇိုရမ်ပြည်နယ်သို့ ဆက်သွယ်သော ကုလားတန် မြစ်ကြောင်း ဘက်စုံသုံးနယ်မြေ ဖြတ်သန်းသယ်ယူပို့ဆောင်ရေးစီမံကိန်းအား အကောင်အထည်ဖော် ဆောင်ရွက်ရန်အတွက် ဆောက်လုပ်ရေးနှင့် လုပ်ငန်းဆောင်ရွက်ရေး မူဘောင်သဘောတူစာချုပ်၊ လွယ်ကူချောမွေ့စေရေးဆိုင်ရာပရိုတိုကောတို့ကို  ပြည်ထောင်စုသမ္မတ မြန်မာနိုင်ငံတော်အစိုးရ ကိုယ်စား နိုင်ငံခြားရေးဝန်ကြီးဌာနဝန်ကြီးနှင့် အိန္ဒိယသမ္မတနိုင်ငံအစိုးရကိုယ်စား ပြည်ပရေးရာဌာန ဝန်ကြီးတို့သည် နယူးဒေလီမြို့၌ ၂၀၀၈ ခုနှစ်၊ ဧပြီလ (၂)ရက်နေ့တွင် အောက်ပါသဘောတူစာချုပ် များအား လက်မှတ်ရေးထိုးခဲ့ကြပါသည်။
• လက်မှတ်ရေးထိုးခဲ့သော မူဘောင်သဘောတူစာချုပ်နှင့် ပရိုတိုကောတို့၏ အဓိကရည်ရွယ်ချက် များမှာ- နှစ်နိုင်ငံဖွံ့ဖြိုးတိုးတက်ရေးနှင့် ချစ်ကြည်ရင်းနှီးမှုပိုမိုကောင်းမွန်ရေး၊ အိမ်နီးနားချင်း ကောင်း ပီသစွာဆက်ဆံနိုင်ရေး၊ နှစ်နိုင်ငံအကျိုးစီးပွားရေးနှင့် မိမိတို့ပြည်သူများ၏အကျိုးအတွက် စီးပွားရေး ပူးပေါင်းဆောင်ရွက်မှု တိုးတက်မြင့်မားစေရန် နှစ်ဘက်ပူးပေါင်းဆောင်ရွက်ရန်၊ စီးပွားရေး ပေါင်းစပ်မှုနှင့် ပြည်သူအချင်းချင်းဆက်သွယ်မှု ပိုမိုလွယ်ကူစေရန်အတွက် သယ်ယူပို့ဆောင်ရေး အထောက်အကူပြု လုပ်ငန်းအပါအဝင် အခြေခံအဆောက်အအုံ စီမံကိန်းများဖွံ့ဖြိုးတိုးတက်ရန်၊ နှစ်ဖက်အကျိုးစီးပွားအတွက် အတူပူးတွဲ၍ နှစ်နိုင်ငံဘက်စုံသုံး နယ်စပ်ဖြတ်သန်းသယ်ယူ ပို့ဆောင်ရေး တည်ဆောက်ရန်တို့ဖြစ်ပါသည်။
• ကုလားတန်စီမံကိန်းတွင်ပါ၀င်သော စစ်တွေဆိပ်ကမ်းတည်ဆောက်ခြင်းလုပ်ငန်းကို ၁၉-၁၂-၂၀၁၀ ရက်နေ့တွင် စတင်ဆောင်ရွက်ခဲ့ပြီး ဆိပ်ကမ်းတည်ဆောက်ခြင်းနှင့် ဆိပ်ကမ်းဝင်းအတွင်း ဆက်စပ် ရုံးအဆောက်အဦများ တည်ဆောက်ခြင်းလုပ်ငန်းများအား ၂၀၁၆ ခုနှစ်တွင် ဆောင်ရွက်ပြီးစီး ခဲ့ပါသည်။ ပလက်ဝပြည်တွင်းရေကြောင်းဆိပ်ကမ်း တည်ဆောက်ခြင်းလုပ်ငန်းကို ၂၇-၇-၂၀၁၂ ရက်နေ့တွင် စတင်ဆောင်ရွက်ခဲ့ပြီး ပြည်တွင်းရေကြောင်းဆိပ်ကမ်းတည်ဆောက်ခြင်း၊ ဆိပ်ကမ်းဝင်း အတွင်း ရုံးနှင့်ဆက်စပ် အဆောက်အအုံများ တည်ဆောက်ခြင်းလုပ်ငန်းများအား ၂၀၁၆ ခုနှစ်တွင် ဆောင်ရွက်ပြီးစီးခဲ့ပါသည်။
• မြစ်တွင်းသွား တန် (၃၀၀) ရေယာဉ် (၆)စီး တည်ဆောက်ခြင်းလုပ်ငန်းအား ရန်ကုန်မြို့တွင်  ၁-၄-၂၀၁၃ ရက်နေ့မှ စတင်တည်ဆောက်ခဲ့ပြီး ရေယာဉ်တည်ဆောက်ခြင်းလုပ်ငန်းများမှာ ဆောင်ရွက် ပြီးစီး၍ ရေယာဉ်များအား ပြည်တွင်းရေကြောင်းပို့ဆောင်ရေးသို့ ၂၆-၆-၂၀၁၇ ရက်နေ့တွင် စစ်တွေ မြို့၌ လွှဲပြောင်းပေးအပ်ခဲ့ပါသည်။
• ကုလားတန်မြစ်ကြောင်းဘက်စုံသုံး ဖြတ်သန်းသယ်ယူပို့ဆောင်ရေး စီမံကိန်းတွင် ပါဝင်သော စစ်တွေဆိပ်ကမ်း၊ ပလက်ဝပြည်တွင်းရေကြောင်းဆိပ်ကမ်းနှင့် ဆက်စပ်ပစ္စည်းများနှင့် အဆောက် အဦများ၏ တန်ဘိုးမှာ အမေရိကန်ဒေါ်လာ ၁၆၀ သန်းခန့်နှင့် ပလက်ဝမှ မြန်မာ-အိန္ဒိယနယ်စပ်အထိ မော်တော်ကားလမ်းဖောက်လုပ်ခြင်းလုပ်ငန်း၏ တန်ဘိုးမှာ အမေရိကန်ဒေါ်လာ ၃၂၄ သန်းခန့် ဖြစ်ပြီး စီမံကိန်းတစ်ခုလုံး၏ စုစုပေါင်းခန့်မှန်းတန်ဘိုးမှာ အမေရိကန်ဒေါ်လာ ၄၈၄ သန်းခန့် ဖြစ်ပါသည်။
• မော်တော်ကားလမ်းဖောက်လုပ်ခြင်း လုပ်ငန်းတစ်ခုလုံးကို Engineering Procurement Contract စနစ်ဖြင့် အိန္ဒိယအခြေစိုက် M/s EPI-C&C JV ကုမ္ပဏီမှ ဆောင်ရွက်လျှက်ရှိပြီး Project Management Consultant အဖြစ် IRCONISL မှ ဆောင်ရွက်မည်ဖြစ်ကြောင်း အိန္ဒိယသံရုံးမှ ပြောကြားထားပါသည်။ မော်တော်ကားလမ်းဖောက်လုပ်ခြင်းလုပ်ငန်းအား ဆောက်လုပ်ရေးဝန်ကြီး ဌာန၊ လမ်းဦးစီးဌာနနှင့် အိန္ဒိယအခြေစိုက် M/s EPI-C&C JV ကုမ္ပဏီတို့ ညှိနှိုင်း၍ အကောင်အထည် ဖော်ဆောင်ရွက်လျှက်ရှိပြီး လုပ်ငန်းကာလမှာ (၂)နှစ်ခန့်ကြာမြင့်မည်ဖြစ်ကြောင်း သိရှိရပါသည်။
• ကုလားတန်မြစ်ကြောင်း ဘက်စုံသုံးဖြတ်သန်း သယ်ယူပို့ဆောင်ရေး စီမံကိန်းတွင် ပါဝင်သော တည်ဆောက်ပြီးစီးနေပြီဖြစ်သည့် စစ်တွေဆိပ်ခံတံတားနှင့်ကပ်လျက် မြစ်အောက်ဘက်ရှိသော နေရာတွင် ကုန်သေတ္တာကိုင်တွယ်နိုင်သော ဆိပ်ခံတံတားနှင့် ပလက်ဝဆိပ်ကမ်းတွင်လည်း ကုန် သေတ္တာကိုင်တွယ်နိုင်သော ဆိပ်ခံတံတား တည်ဆောက်ရန်အတွက် AECOM India Private Ltd. မှ ရေးဆွဲ ပြုစုထားသော Detailed Project Report (DPR) အား သဘောတူညီမှုရှိပါကြောင်း အိန္ဒိယသံရုံးသို့ ပြန်ကြားထားပြီးဖြစ်ပါသည်။
• ကုလားတန်မြစ်ကြောင်း ဘက်စုံသုံး ဖြတ်သန်းသယ်ယူပို့ဆောင်ရေး စီမံကိန်းတွင် ပါဝင်သော တည်ဆောက်ပြီးစီးနေပြီးဖြစ်သည့် စစ်တွေဆိပ်ကမ်း၊ ပလက်ဝဆိပ်ကမ်းနှင့် ဆက်စပ်ပစ္စည်းများနှင့် အဆောက်အဦများအား မော်တော်ကားလမ်းဖောက်လုပ်ခြင်းလုပ်ငန်း မပြီးစီးသေးသည့်ကာလ အတွင်း စီမံခန့်ခွဲခြင်း ထိန်းသိမ်းခြင်းလုပ်ငန်းများကို Private Port Operator ရွေးချယ်ခန့်ထားပြီး ဆောင်ရွက် နိုင်ရေးအတွက် နားလည်မှုစာချွန်လွှာ(MOU)အား ပြည်ထောင်စုသမ္မတမြန်မာနိုင်ငံတော် အစိုးရကိုယ်စား ပို့ဆောင်ရေးနှင့်ဆက်သွယ်ရေးဝန်ကြီးဌာနမှ အမြဲတမ်းအတွင်းဝန်နှင့် အိန္ဒိယသမ္မတ နိုင်ငံအစိုးရကိုယ်စား ပြည်ပရေးရာဝန်ကြီးဌာနမှ Foreign Secretary တို့သည် ၂၂-၁၀-၂၀၁၈ ရက်နေ့ တွင် နေပြည်တော်၌ လက်မှတ်ရေးထိုးခဲ့ကြပါသည်။ နားလည်မှုစာချွန်လွှာ၏ သက်တမ်းသည် မော်တော်ကားလမ်းဖောက်လုပ်ခြင်း လုပ်ငန်းပြီးစီးသည့်အချိန် သို့မဟုတ် (၅)နှစ် ထိုကာလ(၂)ရပ် အနက် စောရာကာလအား သတ်မှတ်ထားပါသည်။
• နှစ်နိုင်ငံလက်မှတ်ရေးထိုးထားသော နားလည်မှုစာချွန်လွှာ(MOU)နှင့်အညီ အိန္ဒိယအစိုးရနှင့် မြန်မာနိုင်ငံအစိုးရတို့သည် ၃-၁-၂၀၂၀ ရက်နေ့တွင် စစ်တွေဆိပ်ကမ်း၊ ပလက်ဝဆိပ်ကမ်းနှင့် ဆက်စပ်ပစ္စည်းနှင့် အဆောက်အအုံများအား စီမံခန့်ခွဲခြင်းနှင့် ထိန်းသိမ်းခြင်းလုပ်ငန်းများ ဆောင်ရွက်ရန်အတွက် A to Z Exim Limited အား Port Operator အဖြစ် ရွေးချယ်ခန့်ထားခဲ့ ကြပါသည်။
• ပို့ဆောင်ရေးနှင့် ဆက်သွယ်ရေးဝန်ကြီးဌာနသည် စစ်တွေဆိပ်ကမ်း၊ ပလက်ဝဆိပ်ကမ်းနှင့် ဆက်စပ်ပစ္စည်းများနှင့် အဆောက်အဦများအား စီမံခန့်ခွဲခြင်းနှင့် ထိန်းသိမ်းခြင်းလုပ်ငန်း များကို ဆောင်ရွက်ရန်အတွက် A to Z Exim Limited သို့ ၃၁-၁-၂၀၂၀ ရက်နေ့တွင် လွှဲပြောင်း ပေးအပ်ခဲ့ ပါသည်။
• A to Z Exim Limited သည် စစ်တွေဆိပ်ကမ်းတွင် ဆိပ်ကမ်းဝန်ဆောင်မှုလုပ်ငန်းများ စတင် ဆောင်ရွက်နိုင်ရန်စီစဉ်ဆောင်ရွက်လျက်ရှိပြီး မြန်မာနိုင်ငံရှိ သက်ဆိုင်ရာဌာနများအနေဖြင့် ဝိုင်းဝန်း ပံ့ပိုးကူညီ ဆောင်ရွက်ပေးလျက်ရှိပါသည်။

ရေလမ်းကြောင်းနှင့်ဆိပ်ကမ်းလုပ်ငန်းများသည် သဘာဝ၏ အမွေအနှစ်တစ်ခု ဖြစ်သော် လည်း ပြုပြင်ထိန်းသိမ်းမှုနှင့်ပေါင်းစပ်မှသာ ရာနှုန်းပြည့်အသုံးပြုနိုင်မည်ဖြစ်ပါသည်။ ရန်ကုန် ဆိပ်ကမ်းသည် ရန်ကုန်မြစ်ရေလမ်းကြောင်းအပေါ်တွင် တည်ရှိပြီး နိုင်ငံ့ကုန်စည်ပို့ဆောင်‌ရေး၏ ၉၀% ခန့်ကို ကိုင်တွယ်နေသည့် ပင်မဆိပ်ကမ်းတစ်ခုဖြစ်ပါသည်။

ရန်ကုန်ဆိပ်ကမ်းသည် အပြည်ပြည်ဆိုင်ရာဆိပ်ကမ်းဖြစ်ပြီး ပင်လယ်ကူးသင်္ဘောကြီးများ အတွက် သတ်မှတ်ထားသည့်ရေစူးအနက် (Controlling Depth) မကျအောင် ထိန်းသိမ်း ထားနိုင်ရေး သောင်တူးလုပ်ငန်းသည်  စိန်ခေါ်မှုတစ်ရပ်ဖြစ်ပါသည်။ ဝင်ရောက်လာမည့် ရေယာဉ် ကြီးများအတွက် ရေစူးအာမခံချက်မပေးနိုင်ပါက ကုန်စည်စီးဆင်းမှု   အခက်အခဲ ဖြစ်နိုင်သကဲ့သို့   အပြည်ပြည်ဆိုင်ရာဥပဒေအရ  ဆိပ်ကမ်းတွင်သာ   တာဝန်ရှိမည်ဖြစ်ပါသည်။  ထိုစိန်ခေါ်မှုအား ကျော်လွှားနိုင်ရန် ရန်ကုန်မြစ်ရေလမ်းကြောင်းအတွင်း   အဓိက အတားအဆီး ဖြစ်နေသော     အတွင်းစည်းခုံနှင့်   အပြင်စည်းခုံရေလမ်းကြောင်းအတွင်း သတ်မှတ်ရေစူး   ရရှိထိန်းသိမ်းထား နိုင်ရေး စီမံချက်ချမှတ်ဆောင်ရွက်ခြင်းဖြစ်ပြီး ရေစူးအနက် တိုးတက်လာသည်နှင့်အမျှ ယခု လက်ရှိ   သင်္ဘောကြီးများအပြင်  အရွယ်အစား ပိုမိုကြီးမားသည့်  ရေယာဉ်ကြီးများပါ ကိုင်တွယ် နိုင်မည်ဖြစ်သဖြင့်   ဆိပ်ကမ်းစွမ်းဆောင်ရည်နှင့် ဝင်ငွေများတိုးတက်မြင့်မားလာမည်ဖြစ်ပါသည်။

သို့ရာတွင် ရန်ကုန်ဆိပ်ကမ်းသည် မြစ်ဆိပ်ကမ်းဖြစ်သည့်အတွက် အနယ်ထိုင်နှုန်း များခြင်း၊ ကောက်ကွေ့ခြင်း၊ ရေတိမ်ကွက်နှင့်သောင်စွယ်များ ပေါများခြင်းတို့ကြောင့် ယခင်က Maintenance Dredging ဖြင့် ဖြေရှင်းဆောင်ရွက်နိုင်ခဲ့သော်လည်း  ၂၀၁၆ ခုနှစ်နောက်ပိုင်း ရာသီဥတုပြောင်းလဲမှုများကြောင့် ရေကြောင်းပြောင်းလဲမှုနှင့် သောင်ထွန်းမှုများသည် ပိုမိုဆိုးရွား စွာ ဖြစ်တည်လာခဲ့သဖြင့် ရေလမ်းကြောင်းအခြေအန ရေရှည်ထိန်းသိမ်းထားနိုင်ရန် လိုအပ်လာ သည့်အတွက် ဝန်ကြီးဌာန၏ လမ်းညွှန်ချက်နှင့်အညီ သောင်တူး(၅)နှစ် စီမံကိန်းအား ၁၆-၉-၂၀၁၆ ရက်နေ့တွင် နိုင်ငံပိုင်သတင်းစာမှ စိတ်ဝင်စားမှု အဆိုပြုလွှာ ဖိတ်ခေါ်ခဲ့ပြီး အဆင့်ဆင့်စိစစ် ရွေးချယ်ခဲ့ပါသည်။ စိစစ်ရွေးချယ်ရေးအဖွဲ့မှ Prefer Bidder အဖြစ် ရွေးချယ်ခဲ့သည့် Starhigh Asia Pacific Pte Ltd အား ပြည်ထောင်စု အစိုးရအဖွဲ့၏အစည်းအဝေးအမှတ်စဉ် ၂/၂၀၁၈မှ အတည်ပြုခဲ့သဖြင့် ၁၂.၃.၂၀၁၈ ရက်နေ့တွင် လုပ်ငန်း အပ်နှံစာချုပ်ချုပ်ဆို၍ စီမံကိန်းလုပ်ငန်း စတင်ခဲ့ပါသည်။ ယခုအခါ  ဒုတိယနှစ်ပြီးဆုံး၍ တတိယနှစ်စတင်ရန် အချိန်ရောက်ရှိပြီဖြစ်ပါ သည်။

နိုင်ငံတစ်နိုင်ငံ၏ လူမှုစီးပွားဖွံ့ဖြိုးတိုးတက်မှုသည် သယ်ယူပို့ဆောင်ရေး စနစ်ပေါ်တွင် မှီခိုပါသည်။‌   ကုန်း/ရေ /လေ သယ်ယူပို့ဆောင်ရေးစနစ်တွင်   ရေကြောင်း ပို့ဆောင်ရေးသည် စီးပွားရေးအရ  တွက်ခြေအကိုက်ဆုံးစနစ်ဖြစ်သည့်အတွက် ရေကြောင်း သယ်ယူပို့ဆောင် ရေးတိုးတက်ကောင်းမွန်အောင် ဆောင်ရွက်နိုင်ခြင်းသည် ပြည်တွင်းပြည်ပ ဈေးကွက်များ အပေါ်လက်လှမ်း မှီချုပ်ကိုင်နိုင်ပြီး အမျိုးသားအကျိုးစီးပွားဖွံ့ဖြိုးတိုးတက်မှုကို များစွာ အထောက်အကူ ရရှိစေနိုင်ပါသည်။ ထို့ပြင် သောင်တူးဖော်ခြင်းကြောင့် ရေလမ်းကြောင်း တိုးတက်ကောင်းမွန်လာသည်နှင့်အမျှ ကုန်စည်စီးဆင်းမှု တိုးတက်ကောင်းမွန်လာပြီး ဆိပ်ကမ်း စွမ်းဆောင်ရည်၊ ဆိပ်ကမ်းဝန်ဆောင်ခနှင့် နိုင်ငံတော် အခွန်အခများတိုးတက်ရရှိလာခြင်းဖြင့် နိုင်ငံဝင်ငွေတိုးပွားရေးကို အထောက်အကူ ပြုနိုင်မည်ဖြစ်ပါသည်။

• သီလဝါဧရိယာ၊ အခြေခံအဆောက်အဦများ ဖွံ့ဖြိုးတိုးတက်ရေးစီမံကိန်း (ပထမအဆင့်) အောက်ရှိ သီလဝါကမ်းနားဒေသသို့ ရန်ကုန်ဆိပ်ကမ်းတိုးချဲ့တည်ဆောက်ရေးစီမံကိန်း (ပထမအဆင့်) အတွက် ဂျပန်အစိုးရနှင့် မြန်မာအစိုးရတို့အကြား ချေးငွေစာချုပ်များဖြစ်သည့်  (MY-P3)ကို ၇-၆-၂၀၁၃ ရက်နေ့တွင် ချုပ်ဆို၍ ဂျပန်ယန်း ၈၇၃၀ သန်းကိုလည်းကောင်း၊ (MY-P11)ကို ၃၀-၆-၂၀၁၅ ရက်နေ့တွင် ချုပ်ဆို၍ ဂျပန်ယန်း ၁၄၇၅၀ သန်းကိုလည်းကောင်း၊ စုစုပေါင်းဂျပန်ယန်း ၂၃၄၈၀ သန်းကို ရယူခဲ့ပြီးဖြစ်ပါသည်။ ချေးငွေပြန်လည်ပေးဆပ်ရမည့် ကာလမှာ ဆိုင်းငံ့ကာလ (၁၀)နှစ်အပါအဝင် စုစုပေါင်းနှစ်(၄၀)ဖြစ်ပြီး၊ ပေးဆပ်ရမည့်အတိုးနှုန်းမှာ (၁ နှစ်လျှင်) ၀.၀၁% ဖြစ်ပါသည်။
• စီမံကိန်းအတွက် အတိုင်ပင်ခံအဖွဲ့အစည်းအဖြစ် Nippon Koei Co., Ltd  မှ Consulting Services လုပ်ငန်းများကို ၁၃-၇-၂၀၁၄ ရက်နေ့မှ စတင် ဆောင်ရွက်ခဲ့ပြီး ၈-၉-၂၀၁၅ ရက်နေ့တွင် Nippon Koei Co., Ltd နှင့် မြန်မာ့ဆိပ်ကမ်းအာဏာပိုင်တို့အကြား နှစ်ဖက်သဘောတူစာချုပ်ကို လက်မှတ်ရေးထိုးခဲ့ပါသည်။  တည်ဆောက်ရေးကန်ထရိုက်တာအတွက် ၂၄-၂-၂၀၁၅ ရက်နေ့တွင် Price Bid Opening ဆောင်ရွက်ခဲ့ပြီး တည်ဆောက်ရေးကန်ထရိုက်တာအဖြစ် စိစစ်ရွေးချယ် ခဲ့သော TOYO-JFEE JOINT VENTURE နှင့် မြန်မာ့ဆိပ်ကမ်းအာဏာပိုင်တို့အကြား နှစ်ဖက် သဘောတူကန်ထရိုက်စာချုပ်ကို ၂၂-၁၂-၂၀၁၅ ရက်နေ့တွင် လက်မှတ်ရေးထိုးခဲ့ပြီးဖြစ်ပါသည်။ စီမံကိန်း၏ Package – 2 အတွက် ၃၀-၅-၂၀၁၆ ရက်နေ့တွင် Cargo Handling Equipments (ကုန်ကိုင်တွယ်စက်ကိရိယာများ) ဝယ်ယူရေးဆိုင်ရာ Bid Opening Ceremony ကို ဆောင်ရွက် ခဲ့ပြီး တင်ဒါအောင်မြင်ခဲ့သည့်  Mitsui E & S Machinery Co.,Ltd နှင့် မြန်မာ့ဆိပ်ကမ်း အာဏာပိုင်တို့အကြား နှစ်ဖက်သဘောတူကန်ထရိုက်စာချုပ်ကို  ၃၁-၃-၂၀၁၇ ရက်နေ့တွင် လက်မှတ်ရေးထိုးခဲ့ပါသည်။
• မြန်မာ့ဆိပ်ကမ်းအာဏာပိုင်အနေဖြင့် သီလဝါကမ်းနားဒေသ၊ အကွက်အမှတ် (၂၅)၊ (၂၆) တွင် ဂျပန်နိုင်ငံ၏ ODA Loan ချေးငွေ ဂျပန်ယန်း (၂၃,၄၈၀) သန်း ရယူ၍ မူလ Contract စာချုပ်ပါ  စီမံကိန်း၏ Package – 1(Civil Work & Buildings)များဖြစ်သည့် Jacket Type Steel Structure Jetty တည်ဆောက်ခြင်းနှင့် နောက်ခံမြေ(၃၈) ဧကပေါ်တွင် Administration Building, Container  Freight  Station, Terminal Main Gate, Second Gate, Container Repair Shop,  Maintenance Shop, Marine Worker’s Lounge, Reefer Sub Station, Yard Pavement နှင့် X-Ray Facility များအပါအဝင် ဆိပ်ကမ်းဆိုင်ရာ အဆောက်အဦများ တည်ဆောက်ခြင်းလုပ်ငန်း များအား ၁-၆-၂၀၁၆ ရက်နေ့မှ  စတင်ဆောင်ရွက်ခဲ့ရာ  ၃-၁၂-၂၀၁၈ ရက်နေ့တွင် (၁၀၀%) ဆောင်ရွက်ပြီးစီးခဲ့ပြီးဖြစ်ပါသည်။ Contract Amendment အရ Additional Work; Civil Work & Buildings လုပ်ငန်းများဖြစ်သည့် အကွက်အမှတ်(၂၆)၏ နောက်ခံမြေဧရိယာတွင် Soil Improvement လုပ်ငန်းများဆောင်ရွက်ခြင်းနှင့်  X-Ray Machine (၁)စုံ ဝယ်ယူ တပ်ဆင်ခြင်း လုပ်ငန်းများကို ဆက်လက်ဆောင်ရွက်ခဲ့ရာ ၃-၁၂-၂၀၁၉ ရက်နေ့တွင် (၁၀၀%)ဆောင်ရွက် ပြီးစီးခဲ့ပြီးဖြစ်ပါသည်။
• မူလ Contract စာချုပ်ပါ  စီမံကိန်း၏ Package – 2; Cargo Handling Equipment များဖြစ်သည့် Quay Crane(၂)စင်း၊ RTG (၆)စင်း၊ Reach Stacker (၃)စင်း၊ Trailer (၆)စင်း၊ Chassis (၆)စင်း စသည့်ကုန်ကိုင်တွယ်စက်ကိရိယာများ ဝယ်ယူတပ်ဆင်ခြင်းလုပ်ငန်းများကို     ၃-၆-၂၀၁၇ ရက်နေ့မှ စတင်ဆောင်ရွက်ခဲ့ရာ ၃-၂-၂၀၁၉ ရက်နေ့တွင် (၁၀၀%) ဆောင်ရွက်ပြီးစီး ခဲ့ပြီးဖြစ်ပါသည်။  Contract Amendment အရ Additional Cargo Handling Equipment များဖြစ်သည့် STS Crane (၁)စီး၊ RTG Crane (၃)စီး၊ Tractor Head & Chasis (၅)စုံတို့အား ဝယ်ယူတပ်ဆင်ခြင်းလုပ်ငန်းများကို ဆက်လက်ဆောင်ရွက်ခဲ့ရာ ၃၁-၁-၂၀၂၁ ရက်နေ့တွင် (၁၀၀%) ဆောင်ရွက်ပြီးစီးခဲ့ပြီးဖြစ်ပါသည်။
• Port Operation လုပ်ငန်းများကို Thilawa Multipurpose International Terminal Co.,Ltd(TMIT) မှ ၂၀-၅-၂၀၁၉ ရက်နေ့မှစ၍  ဆောင်ရွက်လျက်ရှိပါသည်။
• ယခုအခါ စီမံကိန်း၏ Consultant Company ဖြစ်သည့် Nippon Koei Co.,Ltd သည်  ဆောင်ရွက်ပြီးစီးခဲ့သည့် စီမံကိန်း၏ Package-II; Procurement of Cargo Handling Equipment များ ဝယ်ယူတပ်ဆင်ခြင်းလုပ်ငန်းများနှင့်ပတ်သက်၍ Monitoring လုပ်ငန်းများကို ဆောင်ရွက်လျက်ရှိပါသည်။

နိုင်ငံတကာကုန်သွယ်မှု၏ (၇၀%ခန့်)သည် ပင်လယ်ရေကြောင်းမှတစ်ဆင့် ကုန်သွယ်နေ ခြင်းဖြစ်၍ ပင်လယ်ရေကြောင်းဖြင့်ကုန်သွယ်ရေး(Maritime Trade)သည် ကမ္ဘာ့စီးပွား ရေးတွင် အရေးပါသည့်အခန်းကဏ္ဍမှ ပါဝင်သကဲ့သို့ မြန်မာ့စီးပွားရေး ဖွံ့ဖြိုးတိုးတက်မှုတွင်လည်း အလွန် အရေးပါသည်ဖြစ်ရာ အနာဂါတ်ဆိပ်ကမ်းလုပ်ငန်းများ ဖွံ့ဖြိုးတိုးတက်ရေးအတွက်လည်း ကောင်း၊ နိုင်ငံတော်နှင့် နိုင်ငံသားအားလုံး၏ အကျိုးစီးပွားဖွံ့ဖြိုးတိုးတက်မှုအတွက်လည်းကောင်း အထောက် အကူပြုနိုင်ရေးအတွက် ဤစီမံကိန်းအား ရေးဆွဲခြင်းဖြစ်ပါသည်။

ဆိပ်ကမ်းဖွံ့ဖြိုးရေးဆိုင်ရာ မဟာဗျူဟာ ရေးဆွဲခြင်းဆိုင်ရာစီမံချက်အား ဂျပန်နိုင်ငံ၏ Technical Assistant Program(TAP)ဖြင့် ဂျပန်နိုင်ငံနှင့်မြန်မာနိုင်ငံ နှစ်နိုင်ငံအကြား Exchange of Note(E/N) ရေးထိုးပြီးနောက်တွင် JICA ၏အထောက်အပံ့အစီအစဉ်ဖြင့် ပို့ဆောင်ရေးစီမံကိန်း ဦးစီးဌာန၊ မြန်မာ့ဆိပ်ကမ်းအာဏာပိုင်တို့ ပူးပေါင်းဆောင်ရွက်မည့် လုပ်ငန်းစီမံကိန်း ဖြစ်ပါသည်။

စီမံကိန်းကာလမှာ ၂၀၂၁ -၂၀၂၃ ဘဏ္ဍာရေးနှစ်အတွင်းဖြစ်ပြီး JICA အနေဖြင့် လုပ်ငန်းခွင် Survey ပြုလုပ်ခြင်း၊ Design  ရေးဆွဲခြင်းနှင့် ဘဏ္ဍာရေးနှင့် နည်းပညာကူညီထောက်ပံ့ခြင်းများ ဆောင်ရွက်ပေးမည်ဖြစ်ကာ ပို့ဆောင်ရေးစီမံကိန်းဦးစီးဌာနအနေဖြင့် National Logistics Master Plan, National Transport Master Plan တို့နှင့် ချိတ်ဆက်နိုင်ရေး ပူးပေါင်းဆောင်ရွက်ခြင်းများ ပြုလုပ်ပေးမည်ဖြစ်ပါသည်။

JICA’s Grant Assistance ဖြင့် အကောင်အထည်ဖေါ် ဆောင်ရွက်လျက်ရှိသော အမျိုးသား သယ်ယူပို့ဆောင်ရေး မဟာဗျူဟာရေးဆွဲခြင်းစီမံကိန်း (၂၀၁၅-၂၀၄၀)၊ အမျိုးသား ထောက်ပံ့ ပို့ဆောင်ရေး မဟာဗျူဟာရေးဆွဲခြင်းစီမံကိန်း(၂၀၁၈-၂၀၃၀)တို့နှင့် ချိတ်ဆက်ဆောင်ရွက်နိုင်ရန် အတွက် မြန်မာ့ဆိပ်ကမ်းအာဏာပိုင်အနေဖြင့် အဓိကလုပ်ငန်းရပ်များဖြစ်သော ဆိပ်ကမ်းဖွံ့ဖြိုးရေး ဆိုင်ရာ မဟာဗျူဟာရေးဆွဲခြင်းစီမံကိန်း (၂၀၃၀ခုနှစ်)၊ ဦးစားပေးဆိပ်ကမ်းများ ဖွံ့ဖြိုးတိုးတက်ရေး အစီအစဉ်ရေးဆွဲခြင်းစီမံကိန်း(၂၀၃၅ခုနှစ်)နှင့် ဆိပ်ကမ်းလုပ်ငန်းများ စီမံခန့်ခွဲမှုဆိုင်ရာ ရေးဆွဲ ဆောင်ရွက်ခြင်းစီမံကိန်းတို့အား ရေးဆွဲရန်စီစဉ်ခြင်းဖြစ်ပါသည်။ အဆိုပါစီမံကိန်းများကို ရေးဆွဲခြင်း အားဖြင့် မြန်မာ့ဆိပ်ကမ်းအာဏာပိုင်၏ အဓိကဆိပ်ကမ်းဖြစ်သော ရန်ကုန်ဆိပ်ကမ်းအပါအဝင် ပြင်ပဆိပ်ကမ်းများအတွက်ပါ အနာဂါတ်ဆိပ်ကမ်းလုပ်ငန်း ဖွံ့ဖြိုးတိုးတက်ရေးအတွက် အထောက် အကူပြုနိုင်မည်ဖြစ်ပါသည်။

ထို့အပြင် အဆိုပါစီမံကိန်း ရေးဆွဲခြင်းအားဖြင့် မြန်မာ့ဆိပ်ကမ်းအာဏာပိုင် အနေနှင့် စီးပွားရေးမူဝါဒလမ်းညွှန်ချက်များဖြစ်သည့် NIF ပါ (3.4.9 and 3.6.7)နှင့် MSDP ပါ မဏ္ဍိုင်(၂)၊ ပန်းတိုင်(၃)နှင့် မဟာဗျူဟာ(၃.၆)အရ ဆိပ်ကမ်းလုပ်ငန်းနှင့်ပတ်သက်၍ စဉ်ဆက်မပြတ်ဖွံ့ဖြိုးမှု နှင့် စီးပွားရေးလုပ်ငန်းအမျိုးမျိုးကိုပံ့ပိုးမည့် ဦးစားပေးအခြေခံအဆောက်အဦများ တည်ဆောက် ရေးဖွံ့ဖြိုးတိုးတက်လာသည်နှင့်အမျှ ဆိပ်ကမ်းစွမ်းဆောင်ရည် မြင့်မားမှုနှင့်အတူ နိုင်ငံ့စီးပွား ရေးအား အထောက်အပံ့ပေးနိုင်မည်ဖြစ်ပါသည်။ ထို့အပြင် JICA အထောက်အပံ့ဖြင့် ဆောင်ရွက် မည့် ဤစီမံကိန်းအား အကောင်အထည်ဖော်ခြင်းအားဖြင့် နောက်ထပ်ရေးဆွဲမည့် ဖွံ့ဖြိုးရေး စီမံကိန်းများအတွက် အထောက်အကူပြုနိုင်မည်ဖြစ်ပြီး  နှစ်နိုင်ငံမိတ်ဖက်ဆက်ဆံရေးမှာလည်း ပိုမိုခိုင်မာကာ ရေရှည်တည်တံ့နိုင်မည်ဖြစ်ပါသည်။

ဆိပ်ကမ်းဖွံ့ဖြိုးရေးဆိုင်ရာ မဟာဗျူဟာရေးဆွဲခြင်းစီမံချက် ရေးဆွဲပြီးပါက မဟာဗျူဟာ စီမံချက်အရ ဆိပ်ကမ်းနေရာသစ်များ၊ ရေနက်ဆိပ်ကမ်းများနှင့် ဆက်စပ်အခြေခံအဆောက် အအုံများ တိုးချဲ့တည်ဆောက်ရာတွင် ပြည်တွင်း/ပြည်ပမှ အတတ်ပညာနှင့် အရင်းအနှီးများကို ဆွဲဆောင်ဖိတ်ခေါ်နိုင်မည်ဖြစ်သည့်အပြင် စီမံကိန်းကာလအတွင်း နိုင်ငံ့ဝန်ထမ်းများ ပူးပေါင်း ဆောင်ရွက်ခြင်းဖြင့် ဗဟုသုတနှင့် နည်းပညာဆိုင်ရာ အတွေ့အကြုံများ အပြန်အလှန်ရရှိ ဖလှယ်နိုင်မည်ဖြစ်ပါသည်။

လက်ရှိ စီမံကိန်းဆောင်ရွက်နေမှုမှာ ကနဦး လေ့လာမှုအနေဖြင့်  “The Data Collection Survey on Navigation Channel and Port Possibilities in Yangon River” ကို ဆောင်ရွက်ရန်လျာထားသော်လည်း COVID-19 ကမ္ဘာ့ကပ်ရောဂါကြောင့် ရွေ့ဆိုင်းခဲ့ရပြီး ၂၀၂၁ ခုနှစ်၊ ဖေဖော်ဝါရီလ မှ စက်တင်ဘာလအတွင်း Data Collection လုပ်ငန်းစဉ်များဆောင်ရွက်ရန်၊ အောက်တိုဘာလတွင် Data Report နှင့် နိုဝင်ဘာလတွင် Final Report ထုတ်ပြန်သွားရန် မျှော်မှန်းထားသော်လည်း မြန်မာနိုင်ငံ၏ နိုင်ငံရေးဖြစ်ပေါ်နေမှုအခြေအနေများကြောင့် စီမံကိန်းအား ယာယီရပ်ဆိုင်းထားပါသည်။ အဆိုပါ Survey မှ တွေ့ရှိချက်များအား Formulation of Port Master Plan တွင် ထည့်သွင်းအသုံးပြု သွားမည်ဖြစ်ပါသည်။

လက်ရှိအခြေအနေတွင် မြန်မာနိုင်ငံတွင် အရေးပေါ်အခြေအနေများ ဖြစ်ပွားနေသော် လည်း ဆိပ်ကမ်းဖွံ့ဖြိုးရေးဆိုင်ရာ မဟာဗျူဟာရေးဆွဲခြင်းစီမံကိန်းနှင့် စပ်လျဉ်း၍ Yangon Port Master Plan အား Mr. Masao Kanno နှင့် မြန်မာဆိပ်ကမ်းအာဏာပိုင်အောက်ရှိ ဌာနအသီးသီး မှ သက်ဆိုင်ရာတာဝန်ရှိသူတို့နှင့် ဆွေးနွေးညှိနှိုင်း၍ အောက်ဖော်ပြပါ အဆင့်သုံးဆင့်ဖြင့် လုပ်ငန်းစဉ်များအား ဆက်လက်အကောင်အထည်ဖော် ဆောင်ရွက်လျက်ရှိပါသည်–

(က) အဆင့်(၁)        လေ့လာသင်ယူခြင်းနှင့် လက်ရှိဆိပ်ကမ်းကဏ္ဍကို သိရှိနားလည် စေခြင်း

(ခ) အဆင့်(၂)          Yangon Port Master Plan အတွက် အချက်အလက်များ စုဆောင်းခြင်း၊ သုံးသပ်ခြင်းနှင့်ပြုစုခြင်း

(ဂ) အဆင့်(၃)          အတည်ပြုခြင်း (မြန်မာ့ဆိပ်ကမ်းအာဏာပိုင်၊ ပို့ဆောင်ရေးနှင့် ဆက်သွယ်ရေးဝန်ကြီးဌာန) နှင့်ထုတ်ပြန်စေခြင်း

အဆိုပြုစီမံကိန်းက အကောင်အထည်ဖော်မည့် လုပ်ငန်းများအနေဖြင့် အောက်ပါအတိုင်း ဖြစ်ပါသည်-

(က)  Assessing the current state of the port sector

(ခ)   Formulation of Myanmar Port Master plan(Target year: 2030)

(ဂ)   Pre-feasibility study of Prioritized Port Development Plan(Target year:                       2035)

(ဃ) Formulation of Action Plan for Port Operation and Maintenance

(င) Public and Stakeholder Seminar on Yearly Interim Report

ဆိပ်ကမ်းဖွံ့ဖြိုးရေးဆိုင်ရာ မဟာဗျူဟာရေးဆွဲခြင်းစီမံချက်တစ်ခုဖြစ်၍ Master Plan, Development Plan, Action Plan များ ရေးဆွဲဆောင်ရွက်ခြင်းဖြစ်ပြီး ကာလတို(၂)နှစ်၊ ကာလလတ်(၅)နှစ်၊ ကာလရှည်(၁၀)နှစ်အတွက် ရည်ရွယ်ကာ ပြန်လည်သုံးသပ်/ပြင်ဆင်/ ဖြည့်စွက်ရေးဆွဲခြင်းတို့အား နိုင်ငံတော်/ဌာနအစီအစဉ်ဖြင့်လည်းကောင်း၊ မိတ်ဖက်နိုင်ငံအဖွဲ့ အစည်းများ၏ Grant အထောက်အပံ့ဖြင့်လည်းကောင်း ဆောင်ရွက်သွားမည်ဖြစ်ပါသည်။